წრიული ეკონომიკის ეკოსისტემის დაინტერესებულ მხარეთა იდენტიფიკაცია და ანალიზი სომხეთში, მოლდოვასა და უკრაინაში

აღნიშნული პროექტი ხორციელდება EU4Green Recovery East პროგრამის ფარგლებში და მიზნად ისახავს აღმოსავლეთ პარტნიორობის ქვეყნებში წრიული ეკონომიკის გარემოს სიღრმისეულ ანალიზს. პროექტი კონცენტრირებულია წრიული ეკონომიკის პოლიტიკისა და პრაქტიკის განმსაზღვრელი ძირითადი დაინტერესებული მხარეების, მათ შორის საჯარო ინსტიტუტების, კერძო სექტორის წარმომადგენლების, ბიზნეს ასოციაციებისა და სამოქალაქო საზოგადოების ორგანიზაციების, იდენტიფიკაციასა და ანალიზზე. დაინტერესებული მხარეების გამოკითხვებისა და მიზნობრივი ინტერვიუების მეშვეობით, პროექტი უზრუნველყოფს დაინტერესებული მხარეების როლების, ურთიერთობების, ინტერესებისა და გავლენის დონის შეფასებას. მიღებული შედეგების გამოყენებით შეიქმნება ანალიტიკური რეპორტები და ინტერაქტიული დაინტერესებული მხარეების ქსელის რუკა, რაც პოლიტიკის შემმუშავებლებსა და პარტნიორებს დაეხმარება რეგიონში თანამშრომლობისა და მტკიცებულებებზე დაფუძნებული წრიული ეკონომიკის ინიციატივების გაძლიერებაში.