შეზღუდული შესაძლებლობების მოდელის კვლევა საქართველოში

მოცემული პროექტის მთავარი მიზანი იყო შეზღუდული შესაძლებლობების მოდელის შინამეურნეობის კვლევის განხორციელება საქართველოში 2020-2021 წლებში, შემდეგი მიზნებით: ა) შეზღუდული შესაძლებლობების გავრცელების  შეფასება, ბ) მოსახლეობაში შეზღუდული შესაძლებლობების ამჟამინდელი განაწილების დადგენა, გ) სხვადასხვა დონის შეზღუდული შესაძლებლობის მქონე პირთა საჭიროებების, ბარიერებისა და უთანასწორობის იდენტიფიცირება, დ) მომავალი პოლიტიკის პრიორიტეტების განვითარებისთვის საჭირო ინფორმაციის მიწოდება, შეზღუდული შესაძლებლობების მქონე მოსახლეობის ცხოვრების ხარისხის გაუმჯობესების მიზნით. 

კვლევის მიზანს წარმოადგენდა შეზღუდული შესაძლებლობების მქონე პირთა საჭიროებებისა და ბარიერების იდენტიფიცირება და მათ მიერ დამხმარე საშუალებებზე ხელმისაწვდომობის განსაზღვრა, იმ ფაქტორების იდენტიფიცირება (ასაკი, გენდერი, სოციალურ-ეკონომიკური სტატუსი, გეოგრაფიული ადგილმდებარეობა, შეზღუდული შესაძლებლობის ტიპი) რომლებიც დაკავშირებულია მათთვის საჭირო დამხმარე საშუალებებზე წვდომასთან და ამ უკანასკნელის გავლენის შეფასება ადამიანების საერთო კეთილდღეობაზე, მათ უნარზე სხვების მსგავსად მონაწილება მიიღონ ყოველდღიურ ცხოვრებაში და  იყვნენ საზოგადოების სრულუფლებიანი წევრები.