მენტორობის პროგრამა არის კომპანიაში გამოცდილების გაზიარებისა და სწავლაზე ორიენტირებული მიდგომების ჩამოყალიბების ერთ-ერთი საუკეთესო გზა.  

კომპანია

მენტორები არიან პროფესიონალები, რომლებიც საკუთარ ცოდნასა და გამოცდილებას კოლეგებსა თუ გუნდის წევრებს უზიარებენ, რითაც მათ პროდუქტიულობისა და ეფექტიანობის გაზრდაში ეხმარებიან. 

დღესდღეობით მენტორინგის რამდენიმე ფორმა არსებობს, მათ შორის: „თანატოლთა მენტორინგი“ (peer mentoring), რაც კოლეგებთან გამოცდილების გაზიარებას გულისხმობს, და „ონბორდინგ მენტორინგი“ (onboarding mentoring) ახალი თანამშრომლებისთვის, რომლის მიზანია პერსონალის ადაპტაციის პროცესის უფრო სწრაფი და ეფექტური წარმართვა. შედეგზე ორიენტირებული და სწორად დანერგილი მენტორინგის პროგრამა კომპანიას ეხმარება კადრების დენადობის შემცირებაში, თანამშრომელთა პროდუქტიულობის ზრდაში, კარიერულ წინსვლასა და სამუშაოთი საერთო კმაყოფილების ამაღლებაში.