31 მაისს, ეისითის თანადამფუძნებელმა და ხედვის ლიდმა თინათინ რუხაძემ TBC Concept-ის შეხვედრაზე  ორგანიზაციული ტრანსფორმაციის მოდელი The POWER of THREE® წარადგინა. 

შეხვედრაზე სპიკერმა ტრანსფორმაციის აუცილებლობასა და მნიშვნელობაზე ისაუბრა, რადგან თანამედროვე რეალობაში მხოლოდ ის ორგანიზაცია გადარჩება და გაიზრდება, რომელიც განვითარებას მუდმივი ტრანსფორმაციის პროცესად განიხილავს. 

POWER3-ის წარდგენისას თინათინ რუხაძემ ორგანიზაციის განვითარების შეფერხების სიმპტომებსაც შეეხო, რომელიც ტრანსფორმაციის საჭიროების უტყუარი ნიშანია:

• ზრდის ტემპის შენელება / კომპანიის შემცირება, მომგებიანობის კლება, ღირებული კადრების გადინება
• პროდუქტების განვითარებასა და ინოვაციების დანერგვასთან დაკავშირებული „გადაუჭრელი“ პრობლემები
• ლიდერშიფის მიერ სტაგნაციის, „წრეზე სიარულის“ ან უკუსვლის შეგრძნება

ტრანსფორმაციული მოდელი ეისითის ქართულ და უცხოურ ორგანიზაციებთან და მათ ლიდერებთან წარმატებული თანამშრომლობის 20 წლიან გამოცდილებას აერთიანებს. 

შეხვედრა ინტერაქტიულ რეჟიმში გაიმართა და მას ბიზნესის 60-მდე წარმომადგენელი დაესწრო.